Waldhüpfete 17.03.12 Wila

Waldhüpfete in Wila

Ich dänke ich bin nöd de einzig gsii wo mit em gliche Gedanke a die Party gange isch: Endlii wieder mal Outdoor! Nach dere lange lange Winterpause ischs also entlii wieder mal so wiit gsii das ich und mini Kamera eus a e schöni Party veriirt hend. Wonii Acho bin ischs bereits zimli Dunkel gsii, d Deko het wunderschön usgseh im dunkle vo de Nacht, und de Bass vo de Musig het i di stilli Nacht ghämmeret... Aber zu minere Verwunderig isch no fasch niemert da gsii! Ok, ich bin evt würkli chlii sehr früeh da gsii, aber d Vorfreud isch eifach zu gross gsii zum no länger diihaii uf em Stüehli z sitze und lang z warte :D
I dere Ziit wo nonig so viel gloffe isch han ich also ziit gha zum paar kreativi Sache z mache, und selber au mal wieder hinder s Mischpult z stah:

Viel meh Föteli vo de Nacht hets denn leider au nüm geh (Zum Fötele i de Nacht ttisch d Location nöd grad de renner gsii...) was defür mir meh Ziit geh het zum Party mache und freud z haa ;)

Mit de Sunne isch den au d Kamera wieder cho, und da sind jetzt

d Bilder vo de Party:

Es het aber au no meh als nume Party-Deko z bestuune geh, wie zum Bischpiel euse Skulpture Park:

Au a exklusive Special Guest's het's nöd gfeht:

Danke da a dere Stell au a all die Fliisige Fotografe wo au ihres Beschte geh hend, au vo mir paar gueti Bilder z mache:

Ich hoff ihr hend genau so viel Freud gha a dere Party wie ich und ich gsehn möglichscht viel vo eu au wieder a de nägschte Party ;) I minere Agenda isch scho sit langem mit rotem, dicke Filz Hakuna Matata iitreit, wenn er also no kein plan hend wo ane, PN a mich und ich schick eu die wiitere Infos ;)

S gliiche giltet au wenn er Bilder in voller Uflösig, oder unbearbeitet usw wend ha, eifach PN und wenns gaht evt no s Orginal/-e als aahang dezue.

Falls er no wiiteri Bilder wend zum Bischpiel vo eu haa, au eifach sege, ich denke es verstaht sich vo selber das ich nöd 150 Bilder da ufelade will ;)

A dere Stell, danke fürs ineluege und bis Bald.

My Favorit *grins*